شعر شعبي عن الصديق الخاين شعر شعبي لصديق خاين

شعر شعبي عن الصديق الخاين شعر شعبي لصديق خاين، خيانة الصديق تكون أقوى من خيانة حبيب لأنه سندك وحماية ظهرك، فعندما تأتيك الخيانة من صديق تكون مؤلمة جداً وضربة تقسم الظهر نصفين، اليوم نضع لك شعر شعبي عن صديق خاين للعهد وللوعد الذي قطعة لك اشعار شعبية عراقية قوية تتكلم عن خيانة الاصدقاء، شارك اليوم مع الصديق الخاين قصيدة شعبية قصيرة قد تكون جارحة لهُ لكنه يستحقها خاصتاً عندما يكون خيانة الصديق مع الحبيب أو الحبيبة الخاصة بك.

شعر شعبي عن الصديق الخاين

أولاً وضعنا اشعار شعبية قصيرة عن خيانة الصديق أو الصديقة كي تُناسب مقاس التغريدات أو الرسائل القصيرة التي تكون على هيئة شعر.

• لا تعاشر صاحب بسرعه يخون
  ولا تخون بصاحبك طول العمر
  ولاتراوغ بلحجي ويا الصديق
  دوم خلي الصاحبك وسعة صدر
  الصداقه اخلاص وايمان وفاء
  مو مصالح تنتهي وبيها غدر.
• ﺻﺢ جرح الحبيب ﻳﺒﻮك كومة ﺳﻨﻴﻦ
  بس جرح الصديق ﻳﺒﻮك ﻛﻞ عمرك.
• أريد أعرف صديقي يخوني ليش
  ويبيع أحله السنين بهاجس الطيش
  أنه الأمنتي حالي
  كلبي وكل حلالي
  يكفر بالملح والزاد والعيش
  أريد أعرف صديقي يخوني ليش.
• صديقي وظل غدر ينبظ وريدة
  ويصاحب صوج كلبي من ورا ايدة
  غدرني الجنت احبنا واريد
  ووفالي الجنت اظنه يخون بية.
• اذا حان يوما ان يموت ابوكما
  فلا تخمشا وجها ولا تحلقا شعر
  وقولا هو المرء الذي ليس جاره
  مضاعا ولا خان الصديق ولا غدر.
• منك ماشفت باطل ولاحق
  وصرت للفاين أمشي وألاحق
  يابيتي مخلص السكر ولاحق
  شبيك مالك شكو بس عليه.
• حزن متروس دلالي يخونه
  ليش الياكل أبملحي يخونه
  يكولون الوكت خاين يخونه
  الوكت طيب صديقي الخان بيه.
• يكلبي الضيم فوك الضيم جلبي
  يروحي حيلي بل الزنين جلبي
  انبكت بليل بس ما نبح جلبي
  انهضم وشاف اخوي يبوك بيه.
• عمري ما دكيت دكه وي الصديق
  وعمري ما خاين شخص ماشاني
  نكر ملحي و عشرت ايام و سنين
  وسفه تاليهه بحل عافاني.
• مر بينة ﺍﻭﺧﺬﺍﻙ الموت ﻭﺗﻌﺪﻩ
  ياموت اعلى ﻫﻮﻧﻚ ﺳﻴﻔﻚ ﺍشﺤﺪﻩ
  ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ملتمين
  ﻃﺒﻴﺖ ﺍﻭﺧﺬﻳﺘﻪ خاين يا صديق.

شعر شعبي لصديق خاين

هنا نضع لك اشعار طويلة شعبية عن الخيانة من الأصدقاء تتكلم بشكلٍ حزين عن اللحظات المؤلمة التي تعيشها بسبب الخيانة، وتتكلم عن التضحيات التي قمت بها لصديقك وكانت النهاية مؤلمة وحزينة لك.

• شنو يعنيلك صديقك :: كتلة صاحب ومايوم ينمل
  كلي بس وضحلي اكثر :: كتلة دلاني الدرب خلاني اندل
  كلي داسئلك صديقك :: كتلة خوية وماشفت فديوم اجمل
  وليدي داكلك صديقك :: كتلة غالي وكلبي من فركاه ينسل
  يابة يمعود صديقك :: كتلة ظلعي وعقلي بيه حرم وحلل
  كلي بس احسبهة زين :: كتلة وين تريد توصل
  كلي مخدوع بزمانك :: كتلة عمي ممكن اسئل
  شنو يعنيلك صديقك :: كلي خاين وبضهري ثبت المنجل
  كتلة بس وضحلي اكثر :: كلي اسكيلة عسل يسكيني حنضل
  كتلة دا اسئلك صديقك :: كلي حاقد واليريدة ايشوفني انذل
  عمي داكلك صديقك :: كلي بس اندار ضل يشتم وينعل
  كتلة صديقك مو عدوك :: كلي كيف من طحت وبحزني هلهل
  هذا واقع كل صديق وارد انصحك :: وما ريدك مني تزعل
  لان من كلمة صديقي شاب شعري :: انكسر ظهري دمعي وشل
  انة وكتي وصاحبي خلصو عمري :: لان صاحب بية يغدر وكتي بدل
  وفكرت بحجايتة وطلعت صحيحة :: واتضح صاحبي دور الصديق وياي مثل
  لان من وكتي حلو يمي لكيتة :: ومن افتر عكس بابة قفل
  لان ويا اني اضحي افدي بروحي :: وهو سجين الغدر منة تنسل
  ولان واكف وي اليذبحون :: بيده السجين وعل ذبح كمل.
• غدار الوكت خلاني اثق بيك :: وضاعت بالغدر صدك سنيني
  كضيت العمر بالطيبة اجازيك :: تاليها بخيانة انت تجازيني
  جنت وياك ابد ما احسب احساب :: لو ردت مني دمعة انطيك عيني
  جنت اول احطك بين الاسماء :: وانا بهامش حياتك اطلعت ثاريني
  انا طبعي وفي وما اخون بيوم ::  وابد طبع الغدر صدكني مو ليه
  عندي الخوة موقف مو شعارات :: وما انطي بصديق الخاطر بنية
  انا بكل الاحبهم لجلك انطيت :: ووسفة انت بصلافة انطيت بية.
• اني رغم العوز ماعايش ذليل
  والكرم بجفوفي موش الطاسه
  وبكرامه النخل عايش عل نزيز
  والكصب بلماي دنك راسه
  انت موعالي ولو حت لو عليت
  الكزاز اتعده عد الماسه
  للاسف ميت لكيتك ياصديج
  واليموت المات منه احساسه
  واحنه علمنه اللصبر يصبر اشلون
  والونكص بيده يجمل كاسه
  وعمره ماسوه زلم تدري العكال
  العكال اتنومس ابلباسه
  يلي تطعن بل ظهر هاي الاصول
  اني اشم الخاين من انفاسه
  ابد متغرني حلات البلسان
  كلوب مختلفه اوجوه موالفه
  حجيك ابوجهي شكل واني ادري بيه
  وذاري اخلافي شبيه العاصفه
  خجل كلش خنجرك وانت انتشيت
  غزرن لحضات البظهري غفه
  واني امس مجبور والبابك اجيت
  لاتظن دكته دكة عفه
  شير موش انسان ماهانت عليه
  وفه الساري وهيج شايل عاطفه
  وانت ياصاحب يجل منك هذاك
  لالالاتسولف فشله تحجي عله الوفه.
• مليت غدر الزمن وصار الدمع صاحبي
  وهموم شال الوكت فوك الحمل صاحبي
  عضاي كلهن صفن وما ضل عضو صاحي بي
  دنياي ضلمه اصبحت يا صاح من هجرك
  والعين دم أهملت زاد الحزن هجرك
  لو تدري بيه شجره وشكد صعب هجرك
  ما چان رحت بغفل وانت الچنت صاحبي.
• قمصان هاي الخلك ما تنعرف من تشر
  لتكلي عاشك يثق ما تدري لمن تشر
  يا وكتي كلك حزن صدكني لك منته شر
  شافو دليلي انجرح يامه البشر لامته
  طشار كلبي امس بالجيب هي لامته
  كلولي يمته دمعت كلت نكرت لا مته
  كلبي كلب من حجر لمن عشك ذيبته
  وسنين كلبي انشمر بالبير هي ذبته
  كلبي انغدر بالعشك المن طلع ذبته
  كالوله صاير غدر كال شعجب منتشر.
• ﺍﻟﺼﺪﻳﻖ ﺍﻟﻮﻓﻲ ﻣﺎﺍﻧﺴﺎﻩ ﻟﻮ ﻟﺤﻈﺎﺕ
  ﺷﻠﻮﻥ ﺍﻟﻲ ﺍﻋﺮﻓﻪ ﺻﺎﺭ ﻣﻦ ﺳﻨﻴﻦ
  ﻭﺷﺤﺎﻝ ﻟﻮﺻﺎﺣﺒﻚ ﻣﻨﺒﻊ ﺍﻟﻄﻴﺐ
  ﻭﺷﻔﺎﻓﻪ ﻣﺜﻞ ﺍﻟﻮﺭﺩ ﺗﻨﻜﻂ ﺭﻳﺎﺣﻴﻦ
  ﻳﺎﺻﺎﺡ ﻛﻠﻤﻪ ﺍﻋﺰﻙ ﻣﻮ ﻳﻌﻨﻲ ﺍﻫﻮﺍﻙ
  ﻻﻛﻠﻤﻪ ﺍﻋﺰﻙ ﻳﻌﻨﻲ ﺍﻧﺖ ﻧﺺ ﺍﻟﻌﻴﻦ
  ﻭﻣﺜﻞ ﻛﻠﺒﻚ ﺻﺎﺣﺒﻲ ﻣﺎﺷﻔﺖ ﺑﻴﻦ ﺍﻟﻨﺎﺱ
  ﻭﻳﻮﺟﺪ ﻓﺮﻕ ﺑﻴﻦ ﺍﻟﺰﻳﻦ ﻭﺍﻟﺸﻴﻦ
  ﺍﻟﻌﻨﺪﻩ ﻣﺜﻠﻚ ﻭﻓﻲ ﻣﺎﻳﻬﻢ ﻟﺪﻧﻴﺎﻩ
  ﻻﻥ ﺍﻧﺖ ﺳﻨﺪ ﻇﻬﺮﻩ ﻭﺍﻧﺖ ﺍﻟﻴﻤﻴﻦ
  ﻭﻋﻬﺪﺍ ﺍﻟﻚ ﻳﺎﺻﺎﺣﺒﻲ ﻭﻳﻤﻨﺎﻱ
  ﻻﻣﺎ ﺍﻧﺴﺎﻙ ﻟﻮ ﺑﻌﺪﺗﻨﻪ ﺍﻟﺴﻨﻴﻦ.

إلى هنا نصل لختام موضوعنا اليوم عن شعر شعبي عن الصديق الخاين وذكرنا أيضا مجموعة شعر شعبي لصديق خاين على موقع مواضيع وللمزيد يمكنك مشاهدة قسم أشعار وقصائد ونتمنى زيارتكم الدائمة لنا.