نكت بايخة مصرية قصيرة 2025 أجدد نكت مصرية بايخة

نكت بايخة مصرية قصيرة 2025 أجدد نكت مصرية بايخة، إلقاء نكت بايخة وسخيفة تموت من الضحك تساعدك على الضحك والشعور بالسرور والفرح لهؤلاء الذين يرضون بقليلهم، فلقد أكد العلماء والأطباء أن الضحك يحمي الإنسان من الإصابة بالأمراض النفسية، وأيضًا تعزيز الحالة المزاجية والخروج من حالة الحزن والاكتئاب.. وبالنسبة للنكت المملة فلها طابع خاص يضيف ضحكًا معتمدًا على تافهة النكتة، لذلك من خلال هذا الموضوع المقدم لكم من موقع مواضيع سوف نعرض لكم مجموعة نكت جديدة بايخة.

نكت بايخة سخيفة 2025

على الرغم من وجود نكت بايخة ومملة إلا أن سماعها في بعض الأحيان يجعلك تضحك من قلبك، لذلك من خلال النقاط التالية سوف نعرض مجموعة من النكات:

في يوم قام واحد بلع ريقه فجاله تسمم.
مرة واحدة راحت تشتري شبشب فلقت واحد وضربت بيه ابنها فقعد يعيط فقالت للراجل حلو دا الشبشب دا بكام بقا؟
محشش أتصل على مطعم قريب منه، وسأل هل لديكم عشاء؟ فرد عليه الرجل وقال نعم لدينا.. فقال المحشش ولماذا لم يعزمني أحد!
قابل شخص صديقه ووجده يجري في الشارع.. فسأله ماذا حدث؟ فقال له أم زوجته تناولت نصف كيلو من السمك وأصيبت بالشلل النصفي، فسأله صديقه وأنت تجري لتحضر الطبيب.. فقال لا بل أن ذاهب لشراء نصف كيلو آخر من السمك.
واحد كان بيحب الموبيلات جدًا فلما خلف بنت سماها شريحة.
واحد قاعد مع مراته قالها هقولك نكتة حلوة، قالتله قول بس مش بايخة.. فرد عليها أنتِ طالق.
مرة واحد صعيدي لقى سمبوسك فتحها فكر هيلاقي جواها هدية.
سألوا واحد أحول نفسك في أيه؟ فرد عليهم وقالهم نفسي أشوف شخص واحد ماشي لوحده في الشارع.
مرة واحد لقى أبوه بيطلع في الروح براحة فجري يجيب السكينة.
واحد ندل لما أتجوز سافر شهر العسل لوحده.
واحد حب يغيظ صاحبه البخيل فقام قطع قدامه فلوس.
من كتر حب واحد وادمانه للسوشيال ميديا بقا بيشرب شات بلبن.
ذات مرة وجد رجل فتاة تغرق في البحر فقال لها أعطيني يدك، فردت عليه الفتاة الغبية لا بد أن تطلبها من أبي أولًا.
قام المحامي برفع قضية فوقعت عليه.
مرة واحد سأل صاحبه أنت ليه اسم شهرتك منشف ريق البنات؟ فرد عليه قاله علشان كل ما أجي أكلم واحدة تتف في وشي.
واحد لقى سمكة ميتة فمسكها وراح يغرقها في المايه.

نكت محششين بايخة

هناك العديد من النكات التي تعطي الشعور بالسعادة وتحديدًا نكات المحششين.. ومن أمثلة تلك النكات ما نعرضه عليكم في النقاط الآتية:

واحد مسطول يقف في الشرفة، وعندما يرق البرق في السماء يبتسم اعتقادًا منه بأن هناك شخص يقوم بالتقاط الصور له.
واحدة قالت لجوزها السكران أحنا لازم نطرد السواق دا حاول يقتلني مرتين، فرد عليها وقاله خليه ونديله فرصة تالتة.
ذات مرة سأل مسطول رجل وقال لها هل رأيت عمر؟ فقال له الرجل نعم كان هنا منذ ربع ساعة.. فرد عليه المسطول وهل أنا كنت مع عمر؟
مرة سكران سأل صاحبه هي عيني حمرا؟ فقاله صاحبه أيوة.. فرد عليه طب هي بتحرقني؟
قام شخص مسطول بالاتصال على الرقم الخاص بالاستعلامات بخطوط الطيران.. وسأل الموظف عن مدة الرحلة من مصر وحتى تركيا؟ فقال له الموظف ثانية واحد.. فرد عليه المسطول شكرًا وقفل المكالمة.
مرة محشش سأل صاحبه المحشش هو صحيح حسين الجسمي أخو ميرفت أمين؟ فرد عليه صاحبه قاله لا يا عم هو مجرد تشابه أسماء بس.
محشش وقفه البوليس علشان قطع إشارة المرور.. ولما نزل من العربية سأله الضابط أنت قاطع الإشارة ليه، فرد عليه المحشش وهو أنا صاحب شركة الموبايلات.
يقول مسطول لرفيقه المسطول أيضًا عيني لونها أحمر منذ البارحة ولا أستطيع السير، فرد عليه رفيقه عندما تصبح عينك باللون الأخضر فيمكنك السير.
مرة محشش طالع من البقالة وبيضحك ولما سألوه بتضحك ليه.. فرد عليهم أنا ضحكت على الراجل وحاسبته وأنا مشترتش حاجة.
واحد قال لأبنه السكران شايف عيالك مش بيشربوا سجاير وبيصلوا في الجامع مش زيك طول اليوم بتحشش.. فرد عليه ابنه طاب شايف الفرق بين تربيتي لولادي وتربيتك ليا.

نكت بايخة مصرية قصيرة 2025

هناك العديد من النكات في جمهورية مصر العربية.. حيث إن أهلها يشتهرون بخفة دمهم وروحهم المرحة، فمن يجلس معم يشعر بالسعادة.. لذلك من خلال النقاط التالية سوف نعرض نكت بايخة:

في يوم فرخة انتحرت ولقوها كاتبة في وصيتها قبل ما تموت ماجي بقت أهم مني.
عارفين أيه الأغنية المفضلة عند الديزاينر؟ أغنية أنا مصمم.
مسطول محفظته أتسرقت فراح بلغ البوليس.. والضابط قاله هنجبهالك من تحت الأرض متقلقش.. وهو مروح لقى عمال بيحفروا في الأرض فقالهم لون المحفظة أسود يلا شدوا حيلكوا.
محشش قال لصاحبه المحشش أنا بردان من المروحة.. فرد عليه صاحبه وأنا محمد من الجيزة.
واحد قال لصاحبه عارف أنا قلبي حاسس أني هشتغل في شركة كبيرة أوي، وفخمة كدا، وفي مكان قدامها لركن العربيات، وبينزل منها الموظفين لابسين بِدل وأخد منهم العربيات أمسحها.
واحد مسطول أتصل بمراته وقالها أنا كسبت مليون دولار فحضري شنطة هدومك بسرعة، فسألته أخد معايا هدوم شتوي ولا صيفي فقالها أي حاجة مش فارقة المهم أروح متبقيش موجودة في البيت وتكوني في بيت أهلك.
حياة الكبار دي مش حلوة أنا عايز أرجع لأيام ما كنت بقف أحتار أجيب شيبسي بالكباب ولا الفراخ.
واحد بيسأل خبير أرصاد جوية عنده بنات قد أيه؟ قالهم الصغرى 12 والكبرى 26.
مرة واحدة قالت لجوزها قولي كلمة تهزني فرد عليها مرجيحة.. فقاله كلمة تحسسني أني مراتك، فقال لها جوزها أنتِ طالق حلو كدا.
واحد كان ماشي يعيط أوي في جنازة مراته فسأله للدرجادي كنت بتحبها؟ فقالهم لا بس أنا سمعت أن العياط بيعذب الميت.
مرة واحدة قالت لجوزها الصعيدي قولي كلمة حلوة فقالها هريسة.

أقوي نكت بايخة مصرية قصيرة 2025

بعض النكات تكون عبارة عن حكي قصة قصيرة وتتضمن موقف لأشخاص يتميزن بالحس الفكاهي، ومن خلال السطور التالية سوف نذكر نكت بايخة جدًا:

مرة ست كبيرة في السن أول مرة تسافر بالطيارة.. ولما شافت المضيفات صممت أن بناتها يقوموا يساعدوهم.
ذهب تلميذ لمعلمته وقال لها أنا أحبك وأريد الزواج منك، فقاله له ولكنني لا أحب الأولاد الصغار.. فرد عليها وأنا لن أستعجلك على إنجاب الأطفال.
واحد غبي عمل تحاليل فبيسأل الدكتور التحاليل فيها أيه يا دكتور؟ قاله أنت عندك نسبة السكر في الدم عالية.. فرد عليه والله يا دكتور أنت اللي عسل.
بنت شقية جدًا اسمها سمية.. فودوها لمديرة المرسة علشان تعاقبها، ولما المديرة سألتها عملتي أيه يا سمية؟ بكل براءة قالتلها أنا رميت وردة من الشباك، فردت عليها المديرة طب اطلعي فصلك، وبعد شوية دخلت على المديرة بنت مكسورة فقالتها أنتِ مين؟ ردت عليها أنا وردة.
واحد صعيدي أشترى مراية جديدة، ومراته كانت نايمة ولما صحت وشافت نفسها فيها، فكرت أن جوزها أتجوز عليها واحدة تانية.. فجرت تشتكي لأبوها عمدة القرية، فقالها أبوها خلينا نروح نشوف مراته التانية ولما بص في المرايا قالها دا قليل الأصل أتجوز عليكي وجاب عمدة جديد غيري.
واحد مسطول شاف بنت هندية في رأسها نقطة حمرا فضحك قدامها وقالها بدأتي تصوير فيديو ولا لسه.
واحد متجوز بنت قصيرة فعلشان يضايقها كان يحط محفظته فوق التلاجة.
مرة سلحفاة دخلت كافية ولما شافها الجرسون فمسكها وطلعها برة وقالها متجيش تاني، وبعد 3 شهور جتله وقالتله متمسكنيش كدا تاني.

شاهد أيضاً :- فوازير مضحكة مع الإجابات 2025 أسئلة مضحكة مع الحلول

نكات بايخة قصيرة

إن النكت البايخة نوع من أنواع النكات المنتشرة حاليًا في مواقع التواصل الاجتماعي.. لذلك سوف نعرض مجموعة من أفضل النكات المضحكة البايخة:

عارفين ليه الأرانب بتخاف من السحلب؟ لأن السحلب مكار.
واحد أقرع دار على قشرة موزة اتزحلق ولما وقع على رأسه اتزحلق برضو.
البوليس قبض على لمبة عارفين ليه؟؟ علشان قفشوها مع سلك عريان.
في مرة حلة شاطت فراحت جابت جول.
مرة واحد بيشتغل ميكانيكي دخل كافية فسأله الجرسون تشرب أيه؟ فرد عليه وقاله عايز واحد كاوتشينو.
واد أشترى قلمين.. جاف واحد كتب بيه والتاني كتب أف.
مرة ميكانيكي كان جعان فراح أكل قطع خيار.
مرة اتنين صحاب كانوا عايزين يروحوا للحلاق فواحد حلق والتاني بقى انسيال.
مرة واحد سوداني والتاني بندق.
كهربائي راح علشان يصلح الكهربا فلقى السلك عريان فاتكسف.
دخل صاحب شركة بامبرز أطفال السجن.. وخرجه منه بكفوله.
تسأل سيدة خادمتها هل قمتي بتنظيف الثلاجة جيدًا؟ فقالت لها نعم قمت بتنظيفها تمامًا، وكان الموجود بها لذيذ جدًا.
معلم لغة عربية كان قاعد في حاله.. لكن المعلم التاني كان قاعد في المضاف إليه.
محشش قاعد يسأل نفسه طب الحكماء قالوا من يريد العلا يسهر الليالي، والدكاترة بتقول أن السهر بليل بيضر الصحة.. طب أنا أعمل أيه دلوقتي!
عارفين ليه لما الواحد بيشرب قهوة بيشرق؟ علشان الكراسي بتقف في زوره.
عندما تزوج معلم من معلمة قاموا بكتب الكتاب على السبورة.
ذات مرة تزوج ظابط المرور فأنجب طفل يتحدث بالإشارة.
مرة تلميذ جاب مدرس خاص.. لكن المدرس التاني معرفش يغوص.
ذات مرة أراد الفضائيين شرب الشاي فذهبوا إلى كوكب نيبتون.
كان يتحدث المعلم مع الطالب ويقول له أليس من العيب أن تحصل على درجة صفر؟! فأجاب عليه إذًا لماذا أعطيتني هذه الدرجة يا أستاذ.

أحدث نكت سخيفة

من خلال السطور التالية سوف نعرض مجموعة النكات التي تسرد قصص قصيرة عن مواقف سواء حدثت بين الأصدقاء أو فتاة وحبيبها:

واحدة فركشت مع حبيبها فقالها أنتي مش هتعرفي تمشي خطوة من غيري.. فردت عليه قالتله لية؟ هو أنت الجذمة بتاعتي وأنا معرفش.
الستات الكبيرة تقولك زمان كانت القلوب صافية وهي أساسًا متخانقة مع مرات أخوها على صينية أصلًا.
اتنين مساطيل قاعدين مع بعض فواحد منهم قال للتاني أنا أمبارح شفت برتقانة معصورة.. فرد عليه التاني وأنا شفت برتقامة مع فيديو.
واحد كداب فحب يبين أنه شخص جامد قدام صحابه فقالهم أنا مرة ماشي في أرض الصحرا لقيت أسد قدامي فرحت نطيت في البحر.. فصاحبه قاله وهو في بحر أصلًا في الصحرا، فرد عليه لا ما أنا قولت أني قعدت فوق برج القاهرة، فصاحبه قاله برج القاهرة أي اللي في الصحرا مفيش الكلام دا، فرد عليه وقاله لما الأسد طلع عليا أكلني فرحت كدا!
مرة 3 أطفال دخلوا محل لعب أطفال فواحد منهم قال للراجل أنا عايز كورة، فالراجل جاب السلم وطلع عليه، وبعد ما نزل بيسأل العيل التاني فقاله عايز كورة زيه فقاله مش كنت تقول وأنا فوق، ولما طلع على السلم سأل التالت عايز كورة قاله لا، وبعد ما نزل من على السلم سأل العيل التالت وأنت عايز أي بقا؟ قاله عايز كورتين.
واحد راح لساحرة علشان يسألهم عن مستقبله.. فرد عليه أول سبع سنين الجاية هتبقي كلها حزن وكآبة، فسألها طب وبعد كدا فرد عليه قالتله لا هتكون اتعودت خلاص بقا.
ذات مرة تعرض معلم الرياضيات لحادثة.. وعندما قالوا له أن هناك كسور كثيرة فأجاب عليه قوم بتوحيد المقام.

نكت بايخة غير مضحكة 2025

يمكنك مشاركة نكت بايخة على السوشيال ميديا مع الأقارب والأصدقاء، ومن أفضل تلك النكات كالتالي:

اتنين محششين قاعدين مع بعض فواحد منهم قال للتاني تصدق أني شفت مرة دولار متحجب؟ فالتاني قاله ليه؟ فرد عليه علشان كان خارج من البنك الإسلامي.
البنت وهي عندها سنة بينادوها بيقولولها يا نونة.. وهي 5 سنين بيقولوا يا كتكوتة.. وهي عندها عشر سنين بيقولوا يا قطقوطة، أما وهي عندها عشرين سنة بيقولوها يا مزة، وبيقولولها يا مدام وهي عندها 30 سنة، ولكن بيقولولها يا وليه وهي عندها أربعين سنة، ولما توصل 80 سنة بيسألوها هو أنتي لسه عايشة؟
لو حد حاول يبقى فيلسوف عليك ويقولك توقع أي حاجة من أي حد.. اديله بالقلم وقوله توقعت أني هعمل كدا ولا لاء؟
اتنين مساطيل قاعدين مع بعض فواحد بيقول للتاني معاك خمسة جنيه سلف.. فرد عليه قاله لا والله أنا معايا خمسة جنيه أخوان.
عندما تبكي الفتاة الفرنسية تجلس على البحر أما الفتاة الأمريكية تقوم بإشعال سيجارة.. وتقوم الفتاة الهولندية بتشغيل موسيقى هادئة.. ولكن الفتاة المصرية تقوم بالتقاط صورة لعينيها وتقوم بمشاركتها على الفيس بوك والواتس آب وتكتب عيناي تبكي وقلبي حزين وأنا وحيدة.
راجل راح أشترى شاشتين تليفزيون واحد بلازما.. أما التانية فهي مالهاش لازمة.
راح واحد لجدته خبط عليها وقالها افتحي يا تيتة أنا حفيدك.. فراحت قالتله وهو أنت هتفيدني بأية يعني؟
واحد جي من السفر فبيحكي لصاحبه قاله أول ما وصلت فتنام ملقتش حد خالص.. فسأله ليه أومال الناس كانت فين؟ فرد عليه أصل الناس فتنام بدري.
ذات مرة تزوج معلم الرياضيات من معلمة الرياضيات.. وعندما ماتوا تم دفنهما في نفس الجبر.

تعرف علي :- الغاز ذكاء مع أجوبتها 2025 فوازير والغاز عن الحيوانات

نكات بايخة جدًا

حال رغبتك في الضحك والشعور بالسعادة فيمكنك الاطلاع على النكت البايخة الموجودة في السطور الآتية:

مرة راجل شال حديد.. فقاموا خلوه يمتحن في الدور التاني.
محشش قاعد بيقول لصاحبه يعني نفخ الخدود موضة ونفخ الشفايف موضة أشمعنا الكرش مش موضة.
مرة مجموعة من النمل راحوا كلهم على السكر ما عدا نملة واحدة.. ولما سألوها مكلتيش من السكر ليه؟ قالتلهم يع عليه نمل كتير.
اتنين سكرانين قاعدين مع بعض فواحد قال للتاني عارف ليه الخشب يتيم؟ فالتاني قاله لا.. فرد عليه علشان مقطوع من شجرة.
مرة دخل واحد محشش مطعم كبير فسأله الجرسون أجيبلك فطار كامل.. فرد عليه قاله ليه وهو كامل مش هياكل فطاره.
اتنين محششين قاعدين مع بعض فواحد قال للتاني أنا صومت لحد المغرب.. فالتاني رد عليه وقاله وأنا صومت لحد ليبيا.
قال معلم لطالب جالس في الامتحان ماذا بك؟ فأجاب عليه أشعر بالدوار.. فقال له المعلم اذهب إلى منزل فأنت حامل المادة.
مرة طفل كان بيلعب كاراتيه لكن هو نفسه يبقى شيبسي أو بيبسي.
واحد سكران بيقول لصاحبه عارف أيه الحاجة اللي لونها أزرق وبتطير في السما؟ فصاحبه قاله أيه طائرة؟! فرد عليه لا دي ذبابة لابسة بنطلون جينز.
مرة واحدة اسمها مايا فلما مسكت سلك الكهربا اتكهربت.

يمكنك مشاهدة :- فوازير للأذكياء فقط 2025 ألغاز ثقافية صعبة مع أجوبتها

نكت بايخة مضحكة جدًا

إذا كنت تشعر بالملل الشديد ولديك وقت فراغ فيمكنك قراءة نكت بايخة موجودة في السطور التالية وإرسالها إلى أصدقائك من أجل التسلية والضحك:

مرة واحد أتوفى فكل الأعداد قعدت تعيط عليه.
واحدة راحت مسابقة من سيربح المليون.. وبعد الحلقة جوزها رمى عليها يمين الطلاق عارفين ليه؟ علشان أتصلت بصديق.
واحد ماشي وراه واحدة بيعاكسها وبيوقلها المزة وراها مشوار ولا أي مستعجلة ليه.. فردت عليه قالتله لا ورايا بهيم.
دخلت فتاة تسمى ساندي كلية الهندسة.. فصار اسمها هو ساندي متر مربع.
واحد شاور لتاكسي وقاله أنا عايز أروح نادي الجزيرة فرد عليه سواق التاكسي طب ما تناديها من هنا.
واحد مراته منكدة عليه ومتخانقة معاه..فجي ابنه يقولوا دي في دوا بيطول العمر فرد عليه الأب متدهوش لأمك.
اتنين محششين واحد قال للتاني عارف ازاي تفرق إذا كان دا أرنب ولا أرنبة، فقاله أزاي يا صاحبي؟ فرد عليه وقاله حطه على الأرض لو جرت تبقي أرنبه ولو جرى يبقى أرنب.
واحدة أتجوزت من ورا أبوها فلما لف شافها.
اتنين سكرانين ركبوا الأسانسير.. فواحد منهم بيقول للتاني هو الاسانسير طالع براحة ليه؟ فرد عليه شكله طالع على السلم.
مرة راجل ساب عربيته دايرة رجع لقى العربية مستطيل.
واحد محشش بص في الساعة لقاها واحدة.. فراح قالها بقولك أيه تتجوزيني؟!

مقالات قد تعجبك :-

وإلى هنا زوار موقعنا قد انتهينا من عرض مقال نكت بايخة مصرية قصيرة 2025 عبر موقع مواضيع وكذلك قمنا بطرح أجدد نكت مصرية بايخة من قسم نكت وألغاز مضحكة ونتمنى لكم النفع والافادة عبر موقعنا دائما.